MongolianEnglish (United Kingdom)

Мэдээллийн ил тод байдал

iaacmn
11-11

Улсын төсвөөр хийсэн хайгуулын ажлын нөхөн төлбөрийн хэмжээ тооцох Засгийн газрын 81-р тогтоол

Энд дарж татаж авна уу.

INVEST MM

daniel_hertzberg_invest

Хөрөнгө оруулагчийн гарын авлага

"МОНГОЛ ОРНЫ МЕТАЛЛ БУС БОЛОН ЗАРИМ ХОВОР МЕТАЛЛ АШИГТ МАЛТМАЛ"

Ашигт Малтмалын Газар

Худалдах үнэ: 30$

Төрийн сан банк

Данс: 900018003

Дэлхийн коксжих нүүрсний нөөц ба зэх зээлийн хэрэглээ
2014 оны 9-р сарын 30, Мягмар гариг, 16:57
Энд дарж татаж авна уу.
 
ЗАРИМ АШИГТ МАЛТМАЛЫН ДЭЛХИЙН ЗАХ ЗЭЭЛИЙН ҮНЭ, ЕРӨНХИЙ ЧИГ ХАНДЛАГА

Дэлхийн  зах  зээл  дээрх  голлох  ашигт  малтмалуудын  2014  оны  10  болон  11 дүгээр саруудын дундаж ханшийг авч үзвэл алт 3.96%-иар, мөнгө 7.04%-иар, зэс 0.56%- иар, цайр 0.82%-иар, хар тугалга 0.66%-иар, молибдени 2.28%-иар, гянтболд 2.9%-иар тус тус буурсан үзүүлэлттэй байсан бол цагаан тугалга 0.32%-иар буюу ялимгүй өсөлтийг үзүүлсэн байна.

Ашигт малтмалын

нэрс

 

Нэгж

10-р сарын

дундаж үнэ

11-р сарын

дундаж үнэ

 

Өөрчлөлт

Алт

$/унци

1222.49

1174.11

-3.96%

Мөнгө

$/унци

17.19

15.98

-7.04%

Зэс

$/тн

6738.48

6700.67

-0.56%

Цайр

$/тн

2273.36

2254.79

-0.82%

Хар тугалга

$/тн

2036.59

2023.08

-0.66%

Цагаан тугалга

$/тн

19897.5

19962.0

+0.32%

Молибдени

$/тн

21100.0

20618.88

-2.28%

Гянтболд 99.9%

$/тн

45750.0

44300

-2.9%

Алт: Алтны дундаж үнэ 11-р сарын байдлаар 1174.11 ам.доллар/унци болсон нь өмнөх

10-р сараас 3.96%-иар буурсан үзүүлэлт болсон байна. 11-р сарын эхнээс алтны үнэ аажим буурсаар 11-р сарын 12-ны өдөр унци алт 1142 ам.доллараар үнэлэгдэх болсон нь сарын хамгийн бага үзүүлэлт байлаа. Алтны үнэ сарын дунд үеэс эхлэн бага багаар өссөөр 11-р сарын 21-ны өдөр унци алт 1203.75 ам.доллараар үнэлэгдсэн нь сарын хамгийн өндөр үзүүлэлт болсон байна.

 

АНУ-ын ажилгүйдлийн түвшин сүүлийн 6 жилийнхээ доод түвшинд хүрсэн, мөн АНУ- д 10 сар дарааллан 200.000-аас дээш ажлын байр бий болсон зэрэг шалтгаанаас үүдэн алтны үнэ үргэлжлэн буурсаар байгаа бөгөөд алтны үнэ 2010 оны 4-р сараас хойшхи хамгийн доод түвшиндээ хүрснийг “Bloomberg” мэдээллэж байна. “Ам.долларын ханш чангарсан нь алтны үнэд сөргөөр нөлөөлсөн. Уг таваарын үнэ ойрын хугацаанд өснө гэдэгт итгэлгүй байна” хэмээн “Australia & New Zeland Banking Group” мэдэгдэлдээ дурьдсан байна. Чикаго дахь “Long Leaf Trading Group”-ын ахлах стратегич Тим Эванс “одоо алт худалдан авах цаг биш” хэмээн ярьсан байна. Мөн “Goldman Sachs” хэдэн сарын дараа унци алт 1050 ам.доллараар үнэлэгдэж магадгүйг онцолж байна.

alt

 

Мөнгө: Энэ оны 11-р сарын дундаж үнийг өнгөрөгч 10-р сарын дундаж үнэтэй харьцуулахад мөнгөний үнэ 7.04%-иар буурсан байна. 11-р сарын эхний 7 хоногт сарын мөнгөний үнэ сул байсан бөгөөд 11-р сарын 06-ны өдөр унци мөнгө 15.28 ам.доллараар үнэлэгдэж байсан нь сарын хамгийн бага үзүүлэлт болоод байлаа. Гэвч 11-р сарын 2 дахь 7 хоногоос эхлэн мөнгөний үнэ бага багаар өссөөр 11-р сарын 25-ны өдөр унци мөнгө 16.66 ам.долларт хүрсэн нь тухайн сарын хамгийн өндөр үзүүлэлт болсон байна.

 

Мөнгөний  үнийн  бууралтанд  алт  болон  нийт  өнгөт  металлын  үнийн  бууралт,  зах зээлийн тодорхойгүй байдал гол нөлөө үзүүлж байгаа бөгөөд цаашид дэлхийн болон БНХАУ-ын  эдийн  засгийн  байдлаас  шалтгаалан  ойрын  болон  дунд  хугацаанд  алт, мөнгө гэх мэт үнэт металлын үнэ үргэлжлэн буурах хандлага ажиглагдаж байна. “Гансу Жинчуан Групп” нь жилд 300 тонн мөнгө олборлох хүчин чадалтай БНХАУ-ын мөнгөний томоохон олборлогч компани юм. Өнгөрөгч 11-р сарын байдлаар тус групп нийт 27 тонн мөнгө олборлосон тухай  www.asianmetal.com сайтад мэдээлсэн байна.

mungu

 

Зэс: БНХАУ-ын  зах  зээл  дээрх  зэсийн  дундаж  үнэ  2014  оны  11-р  сарын  байдлаар

6700.67 ам.доллар/тн-д хүрсэн байна. Энэ нь өнгөрөгч 10-р сарын дундаж үнэтэй харьцуулбал 0.56%-иар буурсан үзүүлэлт юм. 11-р сарын сүүлчээр Лондонгийн Металлын Бирж дээр жилийнхээ доод түвшинд хүртлээ уруудсан зэсийн үнэ бага зэрэг сэргээд, хэдэн өдөр дарааллан уналаа.

 

Улс орнуудын экспортын голлох бүтээгдэхүүнүүд болох зэс, алт, нүүрсний үнэ дэлхийн зах зээл дээр улам унасаар байна. “Goldman Sachs Group”-ийн тооцоогоор ирэх 2015 онд 1 тонн зэсийн үнэ 6217 ам.доллар болно гэж Bloomberg мэдээлсэн байна. Мөн “Ашигт малтмалын үнэ ийнхүү унаж байгаа нь нийт хөрөнгө оруулалтын ерөнхий дүр зургийг өөрчилж байна. Чухам энэ шалтгаан Евро бүсэд дефляцийг хөөрөгдөж байгаа бол АНУ-д инфляцийг хазаарлаж байна” хэмээн 223 тэрбум ам.долларын хөрөнгөтэй Loomis Sayles & Co -гийн ахлах стратегич Жим Бальфур Bloomberg-т ярьсан байна.

 

2014 он гарсаар зэсийн шинэ уурхайнуудын гарц 1.1 сая тонноор өссөн ч үнэ унахад нөлөөлсөн гэж  www.asianmetal.com –д тэмдэглэсэн байна. Зэсийн үнэ ирэх 2015 онд илт өсөхгүй ч бас буурахгүй гэсэн таамаглал голлож байгаа бөгөөд нийлүүлэлтийн хувьд өснө гэсэн таамаг байна. “Нийлүүлэлт өндөр байх учраас үнэ өсч сүйд болохгүй” гэж www.asianmetal.com цахим хуудсанд мөн мэдээлсэн байна.

zes

 

(Эх сурвалж: www.metalprices.com)

Цайр: 2014 оны 10-р сарын байдлаар цайрын дундаж үнэ 2273.36 ам.доллар/тн байсан бол 11-р сарын байдлаар цайрын дундаж үнэ 2254.79 ам.доллар/тн болж 0.82%-иар буурсан үзүүлэлттэй байна. Лондонгийн Металын Бирж дээр 1 тонн цайрын үнэ 11-р сарын 03-ний өдөр 2328.5 ам.долларт хүрсэн нь тухайн сарын хамгийн өндөр үзүүлэлт болсон байна. Сарын дундуур цайрын үнэ бага зэргийн хэлбэлзэлтэй байсан бөгөөд

11-р сарын 24-ний өдөр гэхэд 1 тонн цайрын үнэ 2218.25 ам.долларт хүрсэн байна.

 

2014  оны  10  болон  11-р  саруудад  БНХАУ-ын  цайрын  баяжмал  болон  хүдрийн импортын хэмжээ буурах хандлагатай байгаа талаарх таамаг биелэлээ олж, 11-р сард импортын хэмжээ буурсан үзүүлэлттэй гарсан байна. Өнгөрөгч 11-р сард БНХАУ-д цайрын хамгийн том экспортлогч орнуудаар Казахстан (16972 тн), Австрали (2862 тн), Хойд Солонгос (2040 тн) тус тус тодорсон бол 2014 оны эхний 11 сарын байдлаар экспортын хэмжээгээрээ  Казахстан (132324 тн) болон Австрали (120545 тн) улсууд тодорсон байна. Белги, Испани улсууд нь 12-р сараас эхлэн БНХАУ-руу цэвэршүүлсэн цайр экспортлох юм. Дэлхийн цайрын эрэлт хэрэгцээ 2014 онд 13.85 сая.тн буюу 5.7%- иар өссөн бөгөөд 2015 онд энэ тоо ахин 5.2%-иар өснө гэж шинжээчид таамаглаж байна.

tsair

(Эх сурвалж: www.metalprices.com)


Хар тугалга: Лондонгийн Металын Бирж дээр хар тугалгын дундаж үнэ 10-р сард

2036.59 ам.доллар/тн байсан бол 11-р сард 2023.08 ам.доллар/тн болсон нь хар тугалгын үнэ өмнөх сараас  0.66%-иар буурсан үзүүлэлт болоод байна. Сарын эхээр хар тугалгын үнэ бага зэргийн сул байсан бөгөөд 11-р сарын 06-ний өдөр 1 тонн хар тугалгын үнэ

1979.5 ам.долларт хүрсэн нь тухайн сарын хамгийн бага үзүүлэлт болсон байна. Сарын дундаас сарын сүүл хүртэл хар тугалгын үнэд бага зэргийн хэлбэлзэл ажиглагдсаар байсан бөгөөд 11-р сарын 26-ны өдөр 1 тонн хар тугалга 2042 ам.доллараар үнэлэгдсэн нь тухайн сарын хамгийн өндөр үзүүлэлт болсон байна.

 

АНУ-ын үйлдвэрлэлийн үйл ажиллагааны үзүүлэлт сайн байснаас 2014 оны 8-р сард хар тугалганы үнэ харьцангуй өндөр буюу 2237.62 ам.доллар/тн байсан. Гэсэн ч

8-р сарын сүүлээс эхлэн голлох металлын хэрэглээ суларч эхэлснээр 9-р сарын эхнээс хар  тугалганы  үнэ  2200  ам.доллар/тн-оос  доогуур  орсон.  Өнгөрөгч  11-р  сард  хар тугалга-цайрын уурхайнууд болон хар тугалганы хүчлийг машины акуммуляторт ашигладаг үйлдвэрүүдийн үйл ажиллагаа түр зогсолтын байдалд шилжсэн нь үнийн бууралтад нөлөөлсөн байна. 2014 оны 1-8 сарын хооронд цэвэршүүлсэн хар тугалганы нийт    бүтээгдэхүүн  7125  сая.тоннд  хүрсэн ба хэрэглээ  нь  7310  сая.тоннд хүрснээр түүхий эдийн зах зээл  68500 тонн  цэвэршүүлсэн хар тугалганы хомсдолтой байна гэж IZLSG (International Zinc and Lead Study Group)-с мэдээлсэн байна.

 

2014 оны 11-р сард Австрали, АНУ, Герман, Польш, Өмнөд Солонгос зэрэг улсууд нь

БНХАУ-д хар тугалгын баяжмал экспортлосон хэмжээгээрээ тэргүүлсэн байна.

khar tugalga

(Эх сурвалж: www.metalprices.com)


Цагаан тугалга: Цагаан тугалга, цагаан тугалгын хайлшийн импортын хэмжээ 6 болон

7-р саруудад эрчимтэй өсөлттэй байснаас шалтгаалан БНХАУ-ын зах зээлд бага зэрэг илүүдэл бий болж улмаар 8,9,10-р саруудад үнэ буурсан байна. Харин 11-р сард цагаан тугалгын үнэ бага зэрэг өссөн нь төв банкуудаас авч эхэлсэн арга хэмжээний үр дүнд бөгөөд 11-р сарын дундаж үнэ 19962 ам.доллар/тн-ыг өнгөрөгч 10-р сарын дундаж үнэ болох  19897.5 ам.доллар/тн-той харьцуулахад  бага зэрэг буюу 0.32%-иар нэмэгдсэн үзүүлэлттэй гарсан. 2014 оны 11-р сарын 12-ний өдөр 1 тонн цагаан тугалгын үнэ 20150 ам.доллар болсон нь сарын хамгийн өндөр үзүүлэлт болсон бол сарын дунд үеэс сарын төгсгөл хүртэл бага зэргийн хэлбэлзэл ажиглагдсаар байлаа. 11-р сарын 18-ний өдөр 1 тонн цагаан тугалгын үнэ 19575 ам.доллар болсон нь тухайн сарын хамгийн бага үзүүлэлт болсон байна.

Зах зээл дээр бодит хэрэглээ нэмэгдэхгүй байгаагаас харахад богино болон дунд хугацаандаа   үнэ   нь   худалдан   авалтын   хэмжээнээс   шалтгаалан   бага   зэргийн хэлбэлзэлтэй байх хандлагатай байна.

tsagaan tugalga

(Эх сурвалж: www.metalprices.com)


Молибдени: БНХАУ-д молибдений баяжмалын эрэлт бага байгаа учир зах зээл ерөнхийдөө удаашралтай байгаа билээ. Гэвч молибдений гол уурхайнууд молибдений баяжмалаа тогтоосон хэмжээгээр, тогтмол гаргасаар байна. 2014 оны 10-р сард молибдений үнэ 21100 ам.доллар/тн байсан бол 11-р сарын байдлаар 20618.88 ам.доллар/тн буюу 2.28%-иар буурсан үзүүлэлттэй гарсан бөгөөд энэ нь өнгөрсөн оны мөн үетэй ойролцоо үнэ болоод байна. 2013 оны 11-р сард нэг тонн молибденийн үнэ 20497 ам.доллар байсан байна. Молибдений үнэ 2014 оны 6-р сард 2011 оны 7-р сараас хойшхи дээд хэмжээндээ буюу 32547.62 ам.доллар/тн-д хүрээд байсан хэдий ч 7,8-р саруудад үнэ эргээд буурсан. Үнийн  энэ  бууралт  11-р  сард  ч үргэлжлэн  буурсаар  байна.  Шинжээчид  “Одоогийн байдлаар эрэлт зогсонги байдалд байна, үнэ мэдээж дээд цэгтээ хүрсэн, одоо эргээд буурах хандлагатай байна” хэмээн  www.lme.com цахим хуудсанд мэдээллэсэн байна.

molibdeni

(Эх сурвалж: www.lme.com)


Гянтболд: 2014   оны   9-р   сарын   дунд   үе   хүртэл   БНХАУ-ын   зах   зээл   дээр

99.9%-ийн агуулгатай гянтболдын үнэ өөрчлөлтгүй тогтмол хэвээр буюу 49500 ам.доллар/тн байсан билээ. Гэвч 2014 оны 9-р сарын 9-ний өдрөөс эхлэн гянтболдын үнэ  бага  зэрэг  буурч  эхэлсэн  байна.  Үнийн  бууралт  9-р  сарыг  дуустал  үргэлжлэн,

9-р сарын 30-ний өдөр гэхэд 99.9%-ийн агуулгатай 1 тонн гянтболдын үнэ 46500 ам.доллар болсон байна. 10-р сарын турш 99.9%-ийн агуулгатай гянтболдын үнэ бага зэргийн хэлбэлзэлтэй байж, сарын сүүл гэхэд үнэ 45000 ам.доллар/тн болсон бөгөөд улмаар 10-р сарын дундаж үнэ 45625 ам.доллар/тн болсон байна. 99.9%-ийн агуулгатай гянтболдын  үнэ  11-р  сарын  байдлаар  44300  ам.доллар/тн  болсон  нь  өнгөрөгч  10-р сарын үнээс 2.9-иар буурсан үзүүлэлт юм.

Гянтболдын баяжмал нь гангийн хайлш, барьцалдуулагч, карбид зэрэг үйлдвэрлэл, өрөмдлөгийн тоног төхөөрөмж, цахилгаан техник хэрэгсэл, улсын батлан хамгаалах салбарын үйлдвэрлэлд өргөнөөр хэрэглэгддэг гол түүхий эд болдог байна.

gayntbold

(Эх сурвалж: www.asianmetal.com)

 

Товч мэдээ

 

 

Манай орны экспортын гол бүтээгдэхүүнүүд болох зэс, алт, нүүрсний үнэ дэлхийн зах зээл дээр унасан хэвээр байна. “Goldman Sachs Group” –ийн тооцоогоор ирэх 2015 онд нэг тонн зэсийн үнэ 6217 ам.доллар болно хэмээн Bloomberg мэдээллэсэн байна. Bloomberg тус мэдээндээ “2015 онд ашигт малтмалын үнэ нэлэнхүйдээ буурна” гэсэн бөгөөд үнийн бууралтын талаар “Ашигт малтмалын үнэ ийнхүү унаж байгаа нь нийт хөрөнгө оруулалтын ерөнхий дүр зургийг өөрчилж байна. Чухам энэ шалтгаан Евро бүсэд дефляцийг хөөрөгдөж байгаа бол АНУ-д инфляцийг хазаарлаж байна” хэмээн 223 тэрбум ам.долларын хөрөнгөтэй Loomis Sayles & Co-гийн ахлах стратегич Жим Бальфур Bloomberg-т өгсөн ярилцлагандаа дурьдсан байна.

 

Зэсийн үнийн хэлбэлзэл ирэх оны эдийн засгийн өсөлт, хөрөнгө оруулалт болон инфляцийг тодорхойлох гол үзүүлэлт байх болно гэж ихэнх шинжээчид үзэж байна. Йелийн их сургуулийн Санхүүгийн сургуулийн профессор Герт Роувенхорстын үзэж байгаагаар нефт, алтны үнэтэй харьцуулбал чухам зэсийн үнэ л эдийн засгийн өсөлтийн төлөвийг гаргах гол үзүүлэлт болж байна.

 

Мэдээлэл бэлтгэсэн: АМГ, УУХ, НЭЗСТ-ийн мэргэжилтэн: Д.ЕСӨНТӨМӨР

 

2014 оны 12-р сарын 12

 


Вэб холбоос

  • Уулын ажлын тайлан төлөвлөгөө хүлээн авах

http://inforep.mram.gov.mn

  • Геологийн ажлын тайлан төлөвлөгөө хүлээн авах

http://geology.mram.gov.mn

  • Шинэчлэлийн засгийн газрын вэб сайт

http://zasag.mn/

  • Уул уурхайн яам

http://www.mm.gov.mn

  • Дэлхийн банк

http://web.worldbank.org

  • Уул уурхайн салбарын институцийг бэхжүүлэх техникийн туслалцааны төсөл

http://www.msistap.org